Un blogue é unha páxina web adicada á publicación de artigos nos que unha persoa expón a súa particular visión de temas variados de coñecemento público. Ao conxunto de todos os blogues que se poden atopar na internet chámaselles blogosfera.
Pódese dicir que a blogosfera comeza a mediados dos anos noventa, aínda que a súa popularidade espallouse nos últimos cinco anos, sobre todo debido á facilidade de uso das ferramentas e plataformas que os crean e os manteñen.
O termo blogue vén do inglés web-log, que fai referencia á unha especie de diario na web. En español é común identificalo co termo bitácora. A diferenza dos grupos e foros (entendidos como lugares de encontro na internet de varias persoas que comparten unha mesma inquedanza), os blogues teñen a filosofía de seren un lugar desde onde unha persoa comparte as súas opinións con todo o que queira coñecelas.
Características
Un blogue reúne unha serie de características especiais que os distinguen doutro tipo de páxina web que se poida atopar na internet:
- É creado por unha persoa para difundir as súas ideas e opinións.
-
Se o autor o permite, os visitantes poden deixar comentarios sobre o contido dos artigos, establecendo unha especie de diálogo.
-
Para crealos, existen plataformas na internet que dispoñen de ferramentas, doadas de utilizar, para editar os artigos e administrar os contidos e presentacións.
Estrutura
-
Cada blogue é diferente dos demais, pero todos teñen un listado de artigos, ordenados cronoloxicamente, aos que seguen os comentarios dos visitantes, caso de habelos.
-
Aínda que se trata de artigos de texto, pódense incluír imaxes, documentos en diferentes formatos, enlaces, vídeos…
Outros elementos
Blogues de balde
Ana Mª López Cela
